Tuesday, October 28, 2008

9.ഹോളണ്ട് യാത്ര - 3

രാവിലെ തന്നെ എഴുന്നേറ്റു..കൂടുതല്‍ സമയം പാഴാക്കാതെ ദീമാനില്‍ പോകണം.ചങ്ങാതിയെ കണ്ടു അങ്ങോട്ടേക്ക് താമസം മാറ്റണം..ആകെ ത്രില്ലില്‍ ആയിരുന്നു.കാരണം സമ്പന്നനായ ഒരു ചങ്ങാതി ഉള്ളതിനാല്‍ ഇനിയുള്ള യാത്രകള്‍ ബുദ്ധിമുട്ടില്ലാതെ കഴിക്കാം .

ടോയിലെറ്റില്‍ കയറിയപ്പോള്‍ ഗീസര്‍ പ്രവര്‍ത്തിക്കുന്നില്ല. അപ്പിയിട്ടിട്ടു അല്പം വെള്ളം ഒഴിച്ചപ്പോള്‍ കണ്ണില്ലൂടെ പൊന്നീച്ച പറന്നു.അല്‍പ സമയത്തേക്ക് അവിടെ അങ്ങിനെ ഒരു അയവം ഉണ്ടെന്നു പോലും മറന്നു പോയി..അമ്മേ..ചുമ്മാതല്ല സായിപ്പന്മാര്‍ അപ്പിയിട്ടിട്ടു പേപ്പര്‍ തൂത്ത് ഡിക്കി വൃത്തി അക്കുക്കന്നത് ..അയ്യോ ..അല്ലെങ്കില്‍ തണുപ്പത്ത് ഇതൊരു വല്ലാത്ത മാരണം തന്നെ ..അപ്പോള്‍ അരസസ് ഉണ്ടെകില്‍ ദൈവമേ ഈ ലോകം തന്നെ പരലോകം ആവും ..

ഒരു കാക്കക്കുളി തന്നെ നടത്തി വേഗം ഡ്രസ്സ് ചെയ്തു പുറത്തേക്ക് ചെന്നു ..റിസപ്ഷനില്‍ ചെന്നു റൂം ക്യാന്‍സല്‍ ചെയ്തു വേഗം ബസ്സ് സ്റ്റേഷനില്‍ എത്തി..ഒരു വണ്ടി വന്നു..ഓ ഏതായാലും നല്ല ബസു തന്നെ ..നമ്മുടെ നാട്ടിലെ ആന വണ്ടിയില്‍ ആയിരുന്നല്ലോ ഒരു കാലത്തേ യാത്ര . അത് കൊണ്ടു തന്നെ ഏത് വണ്ടിയില്‍ കയറാനും പേടിക്കേണ്ട..കാരണം അതിലും ഭീകരമായ യാത്ര വേറെയില്ല..ദൈവത്തിന്റെ നാടായാലും നരകത്തിലെ യാത്ര തന്നെ..ഒപ്പം ദൈവരാജ്യത്തിലെ വഴിയോ..ഓര്‍ക്കുമ്പോള്‍ ചങ്കിടിക്കും..

ഒരു ടിക്കറ്റ് എടുത്തു .."ഈന്‍ കര്‍ജെ" എന്നാ ഒരു ടിക്കെട്ടിനു പറയുന്നതു .ഒരു സീറ്റില്‍ ഇരുന്നു പതിയെ ഉറങ്ങാന്‍ ശ്രമിച്ചു ..കാരണം ഇന്നലെ രാത്രി ഉറങ്ങാന്‍ കഴിഞ്ഞില്ല ..അടുത്ത സീറ്റില്‍ ഒരു കിഴവി വന്നിരുന്നു ..ഓ മുടിഞ്ഞ നാറ്റം..കഴിഞ്ഞ ക്രിസ്മസ്സിനാണ് കുളിച്ചതെന്നു തോന്നുന്നു..പൂക്കളുടെ നാടല്ലെ ..പക്ഷെ ഇതേതോ നാറിയ പൂവിന്റെ വാടയാണ്.. ഒന്നു ചിരിച്ചു ..ഗോടെ ഒഷന്റ്റ്..ദൈവമേ എന്റെ മുഖം കണ്ടിട്ട് ചീത്ത വിളിച്ചതാണോ ..വീണ്ടും കിളവി ഒന്നുകൂടെ ആവര്‍ത്തിച്ചു..ഓ ഇതു ഗുഡ് മോര്‍ണിംഗ് എന്നാണെന്ന് തോന്നുന്നു..ഞാനും തിരിച്ചു പറഞ്ഞു ഗോടെ ഒഷന്റെ..മലയാളം നേരെ ചൊവ്വേ പറയണോ എഴുതണോ അറിയാത്ത ഞാന്‍ ഇപ്പോള്‍ എന്തൊക്കെയാണോ പറയുന്നതു ..

ദൈവത്തിന്റെ ഓരോ കളിയെ..അവര്‍ പതിയെ ഓരോന്ന് പറഞ്ഞു തുടങ്ങി...ഏതാണ്ടൊക്കെ പിടികിട്ടി ..ഒടുവില്‍ ഒരു കവര്‍ തുറന്നു എന്തോ എടുക്കുന്നത് കണ്ടു..ഓ കപ്പലണ്ടി...ഉപ്പ് പുരട്ടിയ കപ്പലണ്ടി.. നല്ലത് ..സമയം കളയാന്‍ നല്ലത് തന്നെ..തള്ളെ എനിക്കും നാലഞ്ച്‌ കപ്പലണ്ടി തന്നു..അതും ചവച്ചു ഞാന്‍ എന്റെ ഫ്രണ്ടിന്റെ കാര്യം ആലോചിക്കുകയായിരുന്നു ..എന്താ ഇനി അയാളെ കാണുമ്പൊള്‍ കൊടുക്കുക.വലിയ ആളല്ലേ .ഒടുവില്‍ ഒരു വാച്ച് വാങ്ങി കൊടുക്കാം എന്ന് കരുതി ..കാരണം വെറും കൈയോടെ അങ്ങാരുടെ വീട്ടില്‍ കഴിയാനും കൂടെ കറങ്ങാനും അല്പം വിഷമം,.

ഒന്നും അല്ലെങ്കില്‍ ഞാനും ഒരു രാജാ കുടുംബത്തിലെ അവസാന കണ്ണിയല്ലേ.ദാനം കൊടുത്തു ശീലം മാത്രമെ ഉള്ളൂ.അവസാനം ദാനം കൊടുത്തു കൊടുത്തു രാജ്യവും പോയി ..പേരു വഴിയില്‍ ആയി..എന്നാലും നമ്മുടെ രജപുത്ര സ്വഭാവം മാറ്റാന്‍ കഴിയുമോ..അവസാനം വണ്ടി ദീമാനില്‍ എത്തി..അത്ര വലുതെന്നു പറയാന്‍ ഒക്കില്ല..ഒരു ഇടത്തരം ബസ്സ് സ്റേഷന്‍ ...തള്ളയോട് ടാറ്റാ പറഞ്ഞു ..തള്ള കെട്ടിപിടിച്ചു എന്തോ പറഞ്ഞു..കര്‍ത്താവെ കെട്ടിപിടിക്കാന്‍ പറ്റിയ സാധനം ..എന്തോ പറയുന്നതു കെട്ട്..ഒന്നും മനസ്സില്‍ ആയില്ല..കിഴവിയെ വിട്ടു അടുത്ത് കണ്ട ഷോപ്പിങ്ങ് മാളില്‍ കയറി..

ഒരു വാച്ചും വാങ്ങി ..150 യുറോ കൊടുത്തു..ഒരു പെപ്സിയും വാങ്ങി നേരെ അടുത്ത് കണ്ട ഒരാളോടു ചങ്ങാതിയുടെ മേല്‍വിലാസം കാട്ടി..അങ്ങാര്‍ എന്തൊക്കെയോ പറയുന്നതു കേട്ടു..അവസാനം അയാള്‍ കൈ ചൂണ്ടിയ ലക്ഷ്യം നോക്കി നടന്നു

Tuesday, October 14, 2008

8.ഹോളണ്ട് യാത്ര - 2

വിമാനം ആംസ്റ്റാര്‍ഡാം എയര്‍പോര്‍ട്ടില്‍ ഇറങ്ങി ..
വേഗം തന്നെ കസ്റ്റെംസ് ക്ലിയറന്‍സ് കഴിഞ്ഞു വെളിയില്‍ ഇറങ്ങി ..ഷെങ്കന്‍ രാജ്യം ആണെങ്കിലും ടൂറിസ്റ്റ് കളെ സ്വാഗതം ചെയ്യന്ന രാജ്യം ആണല്ലോ ഹോള്ളണ്ട്.ദൈവമേ എത്ര നാളായുള്ള ആഗ്രഹമായിരുന്നു ഈ നാട്ടില്‍ ഒന്നു വരാന്‍.. ഞാന്‍ ഇപ്പോള്‍ ആംസ്റ്റാര്‍ഡാം ശിഫോള്‍ എയര്‍പോട്ടില്‍ ആണെന്ന് ചിന്തിക്കുമ്പോള്‍ തന്നെ ഒരു സുഖം..

ഞാന്‍ ഹോളണ്ടില്‍ ഇറങ്ങുന്നതിനു മുമ്പെ ഒരു വന്‍ വ്യവസായിയെ പരിചയപ്പെട്ടതിലുള്ള സന്തോഷത്തില്‍ ആയിരുന്നു.കാരണം ഭാര്യയുടെ ബന്ധു അല്പം ജാടയുള്ള ആളാണ്.അവിടെ താമസിക്കുന്നതില്‍ നല്ലത് ഈ സുഹൃത്തിന്‍റെ കൂടെ കൂടുതന്നതാണ് ..ആദ്യം ഹോട്ടല്‍ പോകണം .ഷെങ്കന്‍ വിസയ്ക്ക് വേണ്ടി ആദ്യം തന്നെ ഹോട്ടല്‍ ബൂകിംഗ് നടത്തിയിരുന്നു..അവിടെ ചെന്നിട്ടു ആദ്യം തന്നെ ക്യന്‍സേല്‍ ചെയ്യണം.. അല്ലെങ്കില്‍ മുഴുവന്‍ പണം ചിലപ്പോള്‍ ആ തെണ്ടികള്‍ എടുക്കും ..

കൊച്ചാപ്പി ചേട്ടനോട് കാണാം എന്ന് പറഞ്ഞു ഞാന്‍ ഒരു ടാക്സി പിടിച്ചു നേരെ ഹോട്ടലില്‍ പോകാന്‍ ആവശ്യപ്പെട്ടു. പക്ഷേ ഡ്രൈവര്‍ക്ക് ഡച്ച്‌ മാത്രമെ അറിയൂ ..ഹോട്ടലിന്റെ പേരു കാണിച്ചപ്പോള്‍ പതിയെ പുള്ളിക്കാരന്‍ വണ്ടി വിട്ടു..എ സി എച്ച് ട്രയണന്‍ എന്നാ ഹോട്ടലിന്റെ പേരു ..പത്തു മിനിറ്റില്‍ തന്നെ ഹോട്ടലില്‍ എത്തി .ഇരുപതു യുറോ വാങ്ങി ടാക്സി കാരന്‍ പോയി..അയാള്‍ കൂടുതല്‍ വാങ്ങിയോ അതോ ഇതാണോ യഥാര്‍ത്ഥ കൂലി ..ആ ആര്‍ക്കറിയാം ...

ഹോട്ടലില്‍ കയറി ..ചുറ്റും നോക്കി..ഓ ഒരു തലേക്കെട്ടുകാരന്‍ പഞ്ചാബി ആണ് റിസപ്ഷനില്‍ ..പുള്ളിയോട് ഞാന്‍ ഒരുദിവസം മാത്രമെ ഉള്ളു എന്നും പിന്നീട് ഒഴിയും എന്നും പറഞ്ഞു..
ആദ്യം തന്നെ ഭാര്യയുടെ അമ്മവിക്ക് ഫോണ്‍ ചെയ്തു .ഞാന്‍ വന്ന വിവരം അറിഞ്ഞപ്പോള്‍ തന്നെ അവര്‍ക്ക് സന്തോഷം ആയി.. പക്ഷെ നാളെയെ അങ്ങോട്ട് വരൂ ഇന്നു ഹോട്ടലില്‍ ബൂകിംഗ് ഉണ്ടെന്നും പറഞ്ഞു. ഇനി ഭാര്യയെ വിളിക്കണം ..

പിന്നീട് കൊച്ചാപ്പി ചേട്ടനെ ( വിമാനത്തില്‍ വച്ചു പരിചയപെട്ട) വിളിച്ചു നാളെ അങ്ങോട്ട് വരും എന്നറിയിച്ചു..പുള്ളി തന്‍റെ കടയുടെ ലോക്കഷന്‍ അറിയിച്ചു../
കുളിയെല്ലാം കഴിഞ്ഞു നേരെ വെളിയില്‍ ഇറങ്ങി ..കൈയില്‍ കഴിക്കാന്‍ ഒന്നും ഇല്ലായിരുന്നു അപ്പോള്‍ വല്ലതും വാങ്ങേണം ...ഒരു കുപ്പി പഴ ചാറും വാങ്ങി നേരെ തിരിച്ചു ഹോട്ടലില്‍ കയറി..ചെറിയ മഴയുണ്ട്.വെറുതെ നനഞ്ഞു പനി പിടിക്കേണ്ട .നാളെ കൊച്ചാപ്പി ചേട്ടനെ കാണാന്‍ പോകണം പുള്ളി താമസ്സിക്കുന്നത്‌ ഡീമാനില്‍ ആണ്..ബസ്സില്‍ പോയാല്‍ മതി. ..

നേരത്തെ തന്നെ ഉറങ്ങണം ...