7. ഹോളണ്ട് യാത്ര - 1

രാവിലെ തന്നെ എഴുന്നേറ്റു. പ്രഭാത കര്‍മ്മങ്ങള്‍ എല്ലാം തന്നെ തീര്‍ത്തു.നമ്മുടെ ഫാമിലി ഫ്രണ്ട് ഒരു ഔദ്യോഗിക ആവശ്യത്തിനു ഷിക്കാഗോയില്‍ പോയിരിക്കുകയാണ്.. എയര്‍പോര്‍ട്ട് വരെ എന്‍റെ
ഭാര്യയും വരുന്നുണ്ട്..ആംസ്റ്റാര്‍ഡാമില്‍ എന്‍റെ ഭാര്യയുടെ ആന്‍റി താമസമുണ്ട്..കുറെ ദിവസം അവിടെ കൂടാം..പിന്നെ നമ്മുടെ ഫാമിലി ഫ്രണ്ടിന്റെ ബന്ധുക്കള്‍ അവിടെ എന്നെ ചുറ്റാന്‍ കൊണ്ടുപോകാം എന്ന് സമ്മതിച്ചിട്ടുണ്ട്..

പൊതുവെ മറ്റു യുറോപ്യന്‍ രാജ്യങ്ങളെ പോലെ മലയാളികള്‍ അധികം ഉള്ള സ്ഥലം അല്ല ഹോളണ്ട്. അതുകൊണ്ട് തന്നെ മലയാളി കടകളോ മറ്റോ കണ്ടെത്താനും ഒരു ഭഗീരഥ പ്രയത്നം നടത്തേണ്ടി വരും.രാവിലെ കൊണ്ടുപോകാനുള്ള ബാഗ് തയ്യാറാക്കി ..


എയര്‍ ലിങ്കസില്‍ ആണ് ടിക്കറ്റ് ബുക്ക് ചെയ്തിരിക്കുന്നത് ..ബട്ജറ്റ് എയര്‍വേസ്‌ ആയതിനാല്‍ കൂടുതല്‍ ലഗേജ് കൊണ്ടു പോകാനാവില്ല ..തന്നുയുംമല്ല അതിനുള്ളില്‍ കഴിക്കുന്നതിനു കാശും കൊടുക്കണം ..സാധാരണ ഞാന്‍ യാത്രയ്ക്ക് പോകുന്നതിനു മുമ്പായി അരിയുണ്ട ,എള്ളുണ്ട .അവലേസുണ്ട തുടങ്ങിയ ഉണ്ടകളും ചക്ക ,കപ്പ,വാഴക്ക ഉപ്പേരികളും എടുക്കാറുണ്ട് ..ഇപ്പോള്‍ ഒന്നും ഇല്ല..
ആ വരുന്ന വഴിക്ക് വരട്ടെ ..ഗതി കെട്ടാല്‍ പുലി പുല്ലല്ല കുപ്പിച്ചില്ലും തിന്നും ..പിന്നെ മലയാളി എന്തും തിന്നാന്‍ ഉള്ള ധൈര്യവും ഉണ്ട് ..

അങ്ങനെ എയര്‍പോര്‍ട്ടില്‍ ചെക്കിന്‍ ചെയ്തു ഉള്ളില്‍ എത്തി ..ചെറിയ ഒരു വിമാനം ..എയര്‍ ബസ് കമ്പനിയുടെ അധികം വലിപ്പം ഇല്ലാത്ത ഒരെണ്ണം ..ചുറ്റും ഒന്നു കണ്ണോടിച്ചു ...മുപ്പതു പേരോളം മാത്രമെ അതിലുള്ളൂ..ഒരു മലയാളി മുഖം കണ്ടെന്നു തോന്നി ...വിണ്ടും ഒന്നും ഉറപ്പു വരുത്തി ഒരു ചെറിയ ചിരി ചുണ്ടില്‍ ഫിറ്റ് ചെയ്തു .പുള്ളിയും ഒന്നു ചിരിച്ചു .."എങ്ങോട്ടാ " ഞാന്‍ പതിയെ ഒരു കുശലം ചോദിച്ചു.....അയാള്‍ പതിയെ ഒന്നു ചുറ്റും നോക്കി എന്‍റെ അടുത്ത് വന്നു..അടുത്തിരുന്നു .."ഞാന്‍ കുഞ്ഞാപ്പി..ഹോളണ്ടില്‍ ആണ്..ഇവിടെ എന്‍റെ മോനും മരുമോളും ഉണ്ട് അവരെ കാണാന്‍ വന്നതാ. മരുമോള്‍ ഇവിടെ നേഴ്സ് ആണ്.." അവരുടെ ഫോട്ടോ കാണിച്ചു ..എന്‍റെ ദൈവമേ ഇതു ഷാജി അല്ലെ.. അന്ന് മീന്‍ പിടിക്കാന്‍ പോയപ്പോള്‍ പരിചയപെട്ട പുള്ളി.." ചേട്ടാ മരുമോനെ പെരെന്നതാന്ന പറഞ്ഞതു ..ഷാജി ആണോ.."അങ്ങനെ ഒരു ചെറിയ പരിചയം ആയി..പുള്ളി സന്തോഷം ആയി.. ങ്ങ അതെ അവന് നല്ല ജോലിയൊന്നും ആയില്ല .ഹോളണ്ടില്‍ വരാന്‍ പറഞ്ഞാല്‍ കേള്‍ക്കില്ല..മോന് വല്ല സഹായവും ചെയ്യാന്‍ പറ്റിയാല്‍ അവനെ എവിടെയെങ്കിലും ഒന്നു ആക്കാന്‍ നോക്ക്.."

അങ്ങനെ പുള്ളിക്കാരന്‍ തന്‍റെ കാര്‍ഡും തന്നു ...ഒപ്പം ഹോളണ്ടില്‍ എന്താവശ്യം ഉണ്ടായാലും സഹായിക്കാമെന്ന വാഗ്ദാനവും...( ദൈവമേ മീന്‍ പിടിക്കാന്‍ പോയാലുള്ള ഗുണമേ ..) ലാണ്ടിംഗ് ചെയ്യാന്‍ അറിയിപ്പുണ്ടായി..വിമാനം ഉയര്‍ന്നു.. വിമാനം ആംസ്റ്റാര്‍ഡാം ലക്ഷ്യമാക്കി പറന്നു...നേരിയ ഒരു മയക്കം കണ്ണുകളെ തഴുകിയപ്പോഴേക്കും വിമാനം ഇറങ്ങാന്‍ പോകുന്നതിന്‍റെ അറിയിപ്പ് കേട്ടു...


നെഞ്ചില്‍ ചെറിയ വെപ്രാളം ..അറിയാത്ത നാട്...മനുഷ്യര്‍ ..ഭാഷ.. പിന്നെ ലോകത്തില്‍ എവിടെ ചെന്നാലും ആംഗ്യ ഭാഷ ഒന്നല്ലേ....ആട്ടെ കൂടുതല്‍ വിശേഷങ്ങള്‍ അടുത്തതില്‍.............

6. ചൂണ്ട ഇടല്‍

എന്‍റെ ഏറ്റവും വലിയ വിനോദം ചൂണ്ട ഇടീലും ഫോട്ടോഗ്രാഫിയും ആണ് ..ഭാഗ്യവശാല്‍ എന്‍റെ ഫാമിലി ഫ്രണ്ടും ഒരു ചൂണ്ട ഇടല്‍ പ്രേമി ആണ് .

പുള്ളിക്കാരന് അല്പം ടെന്‍ഷന്‍ കുറയ്ക്കാന്‍ ആണ് ഇതിന് വരുന്നതു ..മുന്പേ ഞാന് അദ്ദേഹത്തെ കുറിച്ചു പറഞ്ഞിരുന്നുവല്ലോ ..അതെ അമേരിക്കന്‍ കമ്പനിയില് ജോലിയുള്ള ചേട്ടന്‍ ..

ഒരു ദിവസം പുള്ളി രണ്ടു ഫിഷിംഗ് റോഡും തൂക്കി എന്‍റെ അടുത്ത് വന്നു. എന്നിട്ട് എന്നെയും കൂട്ടി അടുത്ത ഒരു ചൂണ്ട ഇടീല് സപോട്ടില്‍ ചെന്നു ..അവിടെ അഞ്ചാറ് ആളുകള്‍ ഇരിന്നു തങ്ങളുടെ ഭാഗ്യം പരീക്ഷിക്കുന്നുണ്ട് .. അവിടെ അഞ്ചാറ് കാറുകളും പാര്‍ക്ക് ചെയ്തിട്ടുണ്ട് ..ഞാന് ചൂണ്ടയില് ഇര കോര്‍ത്ത്‌ ആഞ്ഞു എറിഞ്ഞു ...." എന്താ നിങ്ങള് ഒരു പോലിസ് ആണല്ലോ ...ഗള്‍ഫില്‍ എന്താ ചൂണ്ട ഇടല് ആയിരുന്നോ ..." ചേട്ടന് അതിശയം .

ഇവിടെ ചൂണ്ട ഇടാനും ചില നിയമങ്ങള്‍ അറിഞ്ഞിരിക്കണം ...ചുമ്മാ കുറെ ചൂണ്ടയും പൊക്കി മീന് പിടിക്കാന്‍ വന്നാല്‍ ചിലപ്പോള് പോലീസ് തൂക്കി എടുത്തു കൊണ്ടു പോകും ...ഞങ്ങള് മീന് പിടിക്കുന്ന സ്പോട്ടില് ഏറ്റവും കൂടുതല് കിട്ടുന്നത് പിക് എന്ന ഇനത്തിലുള്ള മീനാണ് .. പക്ഷെ 3 കിലോയില് കൂടുതല് പിടിച്ചാലോ കൈയില് വച്ചാലോ കുറ്റമാണ് .തന്നെയുമല്ല ഭാരം കുറവാണെങ്കില്‍ 2 മിന്‍ വരെ പിടിക്കാം ..അഥവാ കൂടുതല് ഭാരം ഉള്ള മീന് ആണ് കിട്ടിയതെങ്കില് വീണ്ടും തിരിച്ചു വിടണം .

കുറെ നേരം നോക്കിയിട്ടും ഒന്നും കിട്ടിയില്ല ..അറിയുവുന്ന മലയാളം പാട്ടുകള് മുഴുവന് പാടി തിര്‍ന്നു..ബോറടിച്ചപ്പോള് തിരിച്ചു പോകാന് പ്ലാന് ഇട്ടു ..പക്ഷെ പെട്ടന്നാണ് ചൂണ്ടയില് ഒരു അനക്കം ...വലിച്ചെടുത്തപ്പോള് ഒരു വലിയ പിക്. ആറു കിലോയോളം ഉള്ള വലിയ ഒരെണ്ണം .. പെട്ടെന്ന് അളിയാ കൊള്ളാമല്ലോ എന്ന് പറഞ്ഞു മീന് പിടിച്ചു കൊണ്ടിരുന്നവര് എല്ലാം എണീറ്റ് വന്നു .. എല്ലാവരും മലയാളികള് ആണെന്ന് അപ്പോഴാ മനസ്സില് ആയതു .. കാരണം ഒരു കിലോ മീന് കുറഞ്ഞത് 15 യുറോ എങ്കിലും ആവും. എങ്കില് മീന് ചൂണ്ടയില് കൊളുത്തിയാല് ടൈം പാസും ആവും ഒരു കറിയും ആവും .. സമയം കളയാന് നല്ല മാര്‍ഗം ..അതുകൊണ്ട് പ്രത്യേക പണി ഇല്ലാത്തവര്‍ എല്ലാവരും ഇതൊക്കെതന്നെയാ ചെയ്യുന്നത് ..


അങ്ങനെ ആ പുതിയ കൂട്ടുകാരെ എല്ലാവരേം ഒന്നു പരിചയപ്പെട്ടു.


വര്‍ക്കച്ചന്‍ ...പുള്ളിയുടെ ഭാര്യ അടുത്തുള്ള ഹോസ്പിറ്റലില് നേഴ്സ് ആണ് ..കുട്ടികള് നാട്ടില് പഠിക്കുന്നു ....പറയത്തക്ക പ്രത്യേക ജോലി ഒന്നും തന്നെ അയര്‍ലണ്ടില്‍ ഇല്ല ... വല്ലപ്പോഴും ചൂണ്ട ഇടീലും മറ്റും ആയി ഇങ്ങനെ ജീവിക്കുന്നു..


ഉമ്മച്ചന്‍ ...പുള്ളി ഒരു പിസ ഡെലിവറി ചെയ്യുന്നു. പിന്നെ വല്ലപ്പോഴും ഇങ്ങനെ മീന് പിടിക്കാന്‍ വരും..


ജോഷി..പുള്ളി ഒരു സംഭവം ആണ് ..കാലത്തെ പത്രം ഇടാന്‍ പോക്കുന്നു..സമയം ഉള്ളപ്പോള് പിസ ഡെലിവറി ..ചിലപ്പോള് ബെറി പറിച്ചു പൈസ ഉണ്ടാക്കുന്നു ...ബാറിലും ജോലി ഉണ്ട് ..

മറ്റു രണ്ടു പേരും പ്രത്യേക തൊഴില് ഒന്നും തന്നെ ഇല്ലാത്തവരാണ് ..
അവസാനം കിട്ടിയ മീന് അഞ്ചാറ് കഷണം ആക്കി എല്ലാവരും പങ്കിട്ടെടുത്തു..നേരെ വീണ്ടും വീട്ടില് എത്തി.. ഫ്രിഡ്ജില് നിന്നും ചോറെടുത്ത് ചൂടാക്കി കഴിച്ചു വീണ്ടു, ഉറങ്ങാന് കിടന്നു..

നാളെയാണ് വിസ വാങ്ങാന്‍ പോകേണ്ടത് ..ഹോളണ്ട് സ്വപ്നം കണ്ടു കിടന്നുറങ്ങി .........

5. ഷെങ്കന്‍ വിസ

കൈയില്‍ അല്പം കാശ് വന്നപ്പോഴാണ് യുറോപ്പ് ഒന്നു കാണണം എന്ന് തോന്നിയത് ..ഒടുവില്‍ എക്കാലത്തേയും മോഹമായിരുന്ന ഹോളണ്ടില്‍ പോകാം എന്ന് തീരുമാനിച്ചു ...ഹോളണ്ട്‌ ഷെങ്കന്‍ വിസയില്‍ വരുന്ന രാജ്യമായതിനാല്‍ ഇതേ വിസയും കൊണ്ടു 24 യുറോപ്യന്‍ രാജ്യങ്ങളില്‍ കയറാം .. അതുകൊണ്ട് തന്നെ ഇതു കിട്ടാനും അല്പം പ്രയാസം ആണ് ..യുറോപ്പ് കാണാന്‍ ആഗ്രഹം പറഞ്ഞപ്പോള്‍ ഭാര്യ 1500 യുറോയും ക്രെഡിറ്റ് കാര്‍ഡും തന്നു .. അവിടെയും ഇവിടെയും നടന്നു കാര്‍ഡ് കളയരുതെന്ന ഉപദേശവും ഒരു ഇംഗ്ലീഷ് നിഘണ്ടുവും..

ഇംഗ്ലീഷ് അറിയാത്തതിനാല്‍ എപ്പോഴും ഒരു നിഘണ്ടു ഞാന്‍ കരുതും.അടുത്ത കടമ്പ എംബസ്സിയില്‍ പോകുന്നതാണ് ..കാരണം ഡച്ച് എംബസ്സിയില്‍ (റോയല്‍ നെതര്‍ലാന്‍ഡ്‌) പറയുന്ന ഇംഗ്ലീഷ് മനസ്സില്‍ ആക്കാന്‍ ഒടേ തമ്പുരാന്‍ തന്നെ വേണം.അപ്പോള്‍ ഞങ്ങളുടെ ഫാമിലി ഫ്രണ്ട് ( എന്നെ എയര്‍പോര്‍ട്ടില്‍ നിന്നു കൂട്ടി കൊണ്ടു വന്ന അതെ കക്ഷി ) കൂടെ വരാമെന്നേറ്റു ..പുള്ളി ഒരു അമേരിക്കന്‍ കമ്പനിയിലെ വലിയ ഉദ്യോഗം ഉള്ള ആളാണ് .. എപ്പോഴും ജോലിയുമായി ബന്ധപെട്ട തിരക്കിട്ട യാത്രയിലും ആയിരിക്കും..തന്നെയുമല്ല അദ്ദേഹം യുറോപ്പ് മുഴുവനും പത്തു തവണയെങ്കിലും കറങ്ങിയിട്ടുള്ള ആളുമാണ്..

അദ്ദേഹത്തിന്റെ ബി.എം.ഡബ്യു .കാറില്‍ നേരെ എംബസ്സിയില്‍ ചെന്നു..പുള്ളി കൂടെ ഉള്ളതിനാല്‍ അല്പം നേരത്തെ തന്നെ കാര്യങ്ങള്‍ നടന്നു ..60 യുറോ ഫീസ് അടച്ചപ്പോള്‍ സായിപ്പ് എന്‍റെ ഫ്രണ്ടിനെ വിളിച്ചു എന്തോ ചോദിക്കുന്നത് കണ്ടു..അവര്‍ പരസ്പരം കാര്യം പറയുന്നതു കുറെ നേരം കൌതുകത്തോടെ നോക്കി നിന്നു .."സ്കൂളില്‍ പോയപ്പോള്‍ മാവേല്‍ എറിയാന്‍ പോയതുകൊണ്ടാ നിങ്ങള്‍ നേരെ ചൊവ്വേ ഇംഗ്ലീഷ് പറയാത്തത്" എന്ന് ഭാര്യ എപ്പോഴും പറയുന്നത് എന്ന് മനസ്സില്‍ ഓര്‍ത്തു..

അവസാനം ഫ്രണ്ട് വന്നു പറഞ്ഞപ്പോള്‍ ആണ് കാര്യം പിടികിട്ടിയത് ..എന്‍റെ മുഖം കണ്ടപ്പോള്‍ ഒരു അഭയാര്‍ഥി ലക്ഷണം .. റഫ്യുജി വിസയാണെങ്കില്‍ അതിന്‍റെ കൌണ്ടര്‍ വേറെ ആണത്രേ...എന്‍റെ ദൈവമേ ..രാജ കുടുംബത്തില്‍ പിറന്ന എന്നെ കണ്ടപ്പോള്‍ അഭയാര്‍ഥി ആണെന്നോ...ക്ഷത്രിയ രക്തത്തിന്‍റെ വില അറിയാത്ത തെണ്ടി സായ്പ്പ് .. ജനാധിപത്യം വന്നില്ലായിരുന്നു എങ്കില്‍ ഞാന്‍ നാട് ഭരിക്കെണ്ടാവനായിരുന്നു ...അത്യാവശ്യം ഒരു യുവ രാജാവെങ്കിലും ആയേനെ..പിന്നീട് പുറത്തിറങ്ങി വീണ്ടും കാറില്‍ കയറി..

ഇനി പത്ത് ദിവസം കഴിഞ്ഞാലേ വിസ കിട്ടു. ഇനി ഏറെ തിരക്കുണ്ട്‌ ...യാത്രയ്ക്കുള്ള ഒരുക്കങ്ങള്‍ ,ടിക്കറ്റ് ബുകിംഗ് തുടങ്ങി നൂറു കൂട്ടം കാര്യങ്ങള്‍ പിന്നീട് ഭാര്യയുടെ ഇംഗ്ലീഷ് ക്ലാസ്...

ഓകെ ഇനിയ്യുള്ളത് അടുത്ത ബ്ലോഗില്‍ ....

4. 150 യുറോയും പട്ടിയുടെ അപ്പിയും

ചെറുപ്പം മുതലേ ഞാന്‍ ഒരു ശുനക പ്രേമിയായിരുന്നതിനാല്‍ അയര്‍ലണ്ടില്‍ വന്നപ്പോള്‍ മുതല്‍ ഒരു നായെ വാങ്ങാന്‍ പ്ലാന്‍ ഇട്ടിരുന്നു ..പിന്നെ എല്ലാ ഐറിഷ് കാരന്മാരും കാരികളും എവിടെ പോയാലും പട്ടിയേം തൂക്കിയെ പോകു എന്നതും കൂടി കണ്ടപ്പോള്‍ എനിക്കും മോഹം കൂടി ...പക്ഷെ പട്ടിയെ വാങ്ങിയാല്‍ ഉണ്ടാകുന്ന പ്രശ്നങ്ങള്‍ പറഞ്ഞു ഭാര്യ എന്നെ വിരട്ടാന്‍ നോക്കി. കാരണം പട്ടിയ്ക്കു ചിപ്പ് ചെയ്യിക്കണം , രെജിസ്ട്രേഷന്‍ തുടങ്ങിയ ലീഗല്‍ പ്രശ്നങ്ങള്‍ ... പിന്നെ പട്ടി വഴിയില്‍ അപ്പിയിട്ടാല്‍ 150 യുറോ പിഴ അതല്ല ഇനി പട്ടി ആരെയെങ്കിലും കടിക്കാന്‍ ഓടിച്ചാല്‍ 3000 യുറോ പിഴ ..

ഒടുവില്‍ ആ മോഹം ഉപേക്ഷിച്ചു രാവിലെ തനിയെ ഓടാന്‍ പോയിത്തുടങ്ങി...എന്നാലും വഴിയില്‍ കാണുന്ന പട്ടികളെ ഒന്നു ചിരിച്ചു കാണിച്ചും ഹലോ പറഞ്ഞും എന്‍റെ ശുനക സ്നേഹം അവരെ അറിയിക്കാന്‍ മറന്നില്ല..

അന്നും പതിവുപോലെ രാവിലെ ഓടാന്‍ പോയി. മുടിഞ്ഞ തണുപ്പ് ഒപ്പും മഴയും കാറ്റും ഉണ്ട്... എന്‍റെ ഭാര്യെ പോലെയാണ് കാലാവസ്ഥയും . ഒന്നും പ്രവചിക്കാന്‍ പറ്റില്ല .. എപ്പോഴാ മാറുന്നത് എന്നത് പ്രവചിക്കാനേ പറ്റില്ല....

രാവിലെ എഴുന്നേറ്റു 100 യുറോയുടെ ഷൂവും ട്രാക്ക് സ്യുട്ടും ഇട്ടു ഓടാന്‍ പോകുന്നതിനു മുമ്പെ കണ്ണാടിയില്‍ നോക്കി...." ഡോ .... മുഖം മിനുക്കി മിനുക്കി എന്നെ പറ്റിച്ചതാ.. ഇനി ഒന്നും വേണ്ട ..ഓടി ഓടി ആ മേദസ്സ് കള...ചുമ്മാതെ തിന്നു തിന്നു പന്നി പോലെയായി .." ഓ ഭാര്യ തുടങ്ങി ... ഇതു കേള്‍ക്കുന്നതിലും നല്ലത് തണുപ്പത്ത് ഒടുന്നതാ .. രാവിലെ വീട്ടില്‍ നിന്നും സ്റ്റാര്‍ ബിങ്കോ വരെ ഓടും... അവിടെ അന്തപ്പന്‍ ചേട്ടന്‍ വരും ...പുള്ളിയും ഒരു സുന്ദരി പെണ്ണിനെ കെട്ടി ഇവിടെ എത്തിയതാ...... പിന്നെ കുറെ നേരം അവിടെയും ഇവിടെയും നോക്കി നടക്കും ... സ്റ്റാര്‍ ബിങ്കോ ഒരു ചൂതാട്ട കേന്ദ്രം ആണ് ... രാത്രി ചൂതാടനും മറ്റു കലാപരിപടികള്‍ക്കുമായി ധാരാളം ആളുകള്‍ എത്താറുണ്ട് .

കൈയില്‍ കാശില്ലാത്തത്‌ കൊണ്ടു ഒന്നും ആടാനുമില്ല ആട്ടാനുംമില്ല..... പക്ഷെ ദോഷം പറയരുതല്ലോ രാവിലെ ഓടാന്‍ വരുന്ന ഐറിഷ് സുന്ദരികളെ കാണുമ്പൊള്‍ തന്നെ ഓടാന്‍ ഒരു മൂഡ് ഉണ്ടാവും...പിന്നെ പതിവുപോലെ തിരിച്ചു വീട്ടിലേക്ക്. .. ഓ ഇന്നു അവള്‍ക്കു ഡ്യൂട്ടി ഉള്ള ദിവസം ആണ് ..വേഗം ചെല്ലണം അല്ലെങ്കില്‍ ചൂടു ബ്രേക്ക് ഫാസ്റ്റ് കിട്ടില്ല ..പിന്നെ ചത്ത ആഹാരം ചൂടാക്കി കഴിക്കേണ്ടി വരും ...വന്ന വഴിക്ക് ഒരു ബോര്‍ഡ് കണ്ടു....പട്ടി അപ്പി ഇട്ടാല്‍ 150 യുറോ പിഴ.. കടിക്കാന്‍ ഓടിച്ചാല്‍ 3000 യുറോ പിഴ .. അമ്മേ ഒരു പട്ടി കടിക്കാന്‍ ഓടിച്ചാല്‍ മതിയായിരുന്നു. ... ആ പണം മതി നാട്ടില്‍ ഒരു മാരുതി കാര്‍ വാങ്ങാന്‍.. എനിക്ക് പട്ടിയേം പട്ടിയ്ക്കു എന്നേം ഇഷ്ടം ആയതിനാല്‍ കടിക്കാന്‍ പോയിട്ട് ഒന്നു കുരയ്ക്കുക പോലും ഇല്ല ...ഇനി ഞാന്‍ പട്ടിയെ കടിച്ചാല്‍ പിഴ ഉണ്ടോ എന്നറിയില്ല....

വീട്ടില്‍ എത്തി ...ഭാര്യ കോപത്തോടെ ചോദിച്ചു .. " എവിടെ ചത്തുകിടക്കുകയായിരുന്നു.... 2 മണിക്കൂര്‍ ആയല്ലോ പോയിട്ട് ...
അതെങ്ങനെ തൊലി വെളുത്ത ഒന്നിനെ കണ്ടാല്‍ പിന്നെ വായില്‍ നോക്കി നിക്കുമല്ലോ .." ഓ സമാധാനം ആയി ഇന്നത്തെ ഡോസ് കഴിഞ്ഞു ...
പെട്ടെന്ന് അവള്‍ എന്‍റെ ഷൂവില്‍ നോക്കി.. ആ മുഖത്ത് കോപം ഇരച്ചു കേറുന്നത് കാണാമായിരുന്നു ..."കാവിലമ്മേ കാത്തോണേ" മനസ്സില്‍‌ പ്രാര്‍ത്ഥിച്ചു എന്നിട്ട് പതിയെ ചോദിച്ചു .." എന്താടി"
"നിങ്ങള്‍ ആ ഷൂവില്‍ നോക്കിക്കേ ....... മൊത്തം പട്ടിയുടെ അപ്പി അല്ലെ ..ആരുടെ വായില്‍ നോക്കിയ നടന്നത് ....ഇനി ഈ കാര്‍പെറ്റ് ആരാ ക്ലീന്‍ ചെയ്യുന്നത് ..." പിന്നെ പറഞ്ഞതൊന്നും എഴുതാന്‍ കൊള്ളില്ല ....പട്ടി അപ്പി ഇട്ടാല്‍ 150 യുറോ പിഴ ഉണ്ടല്ലോ .. അതാര്‍ക്കാ കിട്ടുക ...അപ്പിയുള്ള ഷൂ കൊണ്ടുപോയാല്‍ എനിക്ക് കിട്ടുമോ ?? ഇനി അപ്പി ഇട്ട പട്ടിയെ എങ്ങനെ കണ്ടെത്തും .. അതിന് വല്ല ശാസ്ത്രീയ മാര്‍ഗ്ഗം ഉണ്ടോ എന്നറിയാന്‍ ഇന്‍റര്‍നെറ്റിലേക്ക് കേറി.....

അപ്പോഴും കിച്ചണില്‍ ഭാര്യയുടെ തൃശൂര്‍ പൂരം ഇടതടവില്ലാതെ മുഴങ്ങി കൊണ്ടിരുന്നു..............

3. എയര്‍പ്പോര്‍ട്ടില്‍ നിന്നും

വിമാനത്തില്‍ നിന്നും ഇറങ്ങി നേരെ വന്നപ്പോള്‍ കസ്റ്റംസ് ക്ലീയറന്‍സ് ക്യു കണ്ടു. അവിടെ നിന്ന രണ്ടു അയര്‍ലണ്ട് കാരികളെ കണ്ടപ്പോള്‍ തന്നെ നമുക്കിവിടെ വായിനോക്കാന്‍ ധാരാളം സ്കോപ് ഉണ്ടെന്ന് മനസ്സിലായി .. ഈ തണുപ്പന്‍ രാജ്യത്തും അല്‍പ വസ്ത്ര ധാരിണികളായി വരുന്നുന്നവനെ ചൂടാക്കാന്‍ ഉള്ള അവരുടെ വിശാല മനസ്കതയെ വാനോളം പുകഴ്ത്തി വീണ്ടും അവരുടെ വസ്ത്രത്തിന്‍റെ അളവ് കുറയട്ടെ എന്ന് സര്‍വശക്തനോട് പ്രാര്‍ത്ഥിച്ചു നേരെ കൌണ്ടറില്‍ നിന്നു..

പണ്ടേ കിട്ടിയ കള്ള ലക്ഷണം ഉള്ളതുകൊണ്ടാകം കൌണ്ടര്‍ സായിപ്പിന് ഈയുള്ളവനെ അല്പം സംശയം .. കൂടുതല്‍ ചോദ്യങ്ങള്‍ ചോദിച്ചപ്പോള്‍ സായിപ്പിന് മനസ്സിലായി ആംഗലേയം വഴങ്ങുന്നവനല്ല ഞാനെന്ന്. പുള്ളിക്കാരന്‍ പതുക്കെ ആഗ്യം കാട്ടി എന്തോ ചോദിച്ചു .. ഒടുവില്‍ ഇവന്‍ ഒന്നിനും വഴങ്ങില്ല എന്ന് മനസ്സില്‍ കരുതിയിട്ടാകണം പെട്ടെന്ന് ഫോട്ടോ എടുത്തിട്ട് നമ്മെ ഓടിച്ചു. താഴെ നമ്മുടെ ഭാര്യയും ഫാമിലി ഫ്രണ്ടും എത്തിയിട്ടുണ്ട്. പിന്നീട് കാറിലൂടെ ആയി ബാക്കി യാത്ര.. എസ് കെ പൊറ്റക്കാട്‌ യാത്രകള്‍ ചെയ്തപ്പോള്‍ ഈ മദാമ്മമാരെ എങ്ങനെ കണ്ടു സഹിച്ചു എന്നലോചിപ്പപോള്‍ ഒരു എന്തും പിടിയും കിട്ടിയില്ല ... ഓ തള്ളെ അങ്ങാര്‍ വയസ്സന്‍ ആയിരുന്നല്ലോ .... ഓ പിടികിട്ടി.....വീട്ടില്‍ എത്തിയപ്പോള്‍ ചുറ്റും നോക്കി,.... "

എവിടെ തിരിഞ്ഞൊന്നു നോക്കിയാലും അവിടെല്ല പൂത്ത മരങ്ങള്‍ മാത്രം" എന്നതിന്റെ അര്‍ത്ഥം ഇപ്പോഴാ പിടികിട്ടിയത്.


(കൊച്ചു കുട്ടികളുടെ പ്രത്യേക ശ്രദ്ധയ്ക്ക് .... ഇതു പ്രായ പൂര്‍ത്തി ആയവര്‍ക്ക് വേണ്ടി മാത്രം ഉള്ള ഒരു ബ്ലോഗ് ആണ് അപ്പോള്‍ വായിക്കണം എങ്കില്‍ മാതാപിതാക്കളുടെ സമ്മതത്തോടെ മാത്രമെ വായിക്കാവൂ ... അല്ലെകില്‍ ഇതു വായിച്ചു പിഴച്ചു പോയി എന്ന പരാതിയില്‍ യാതൊരു വിധ നഷ്ട പരിഹാരങ്ങളും മാമന്‍ തരുന്നതയിരിക്കുന്നതല്ല )

കൂടുതല്‍ യാത്രാവിവരണങ്ങള്‍ ( പഞ്ചാര അടി വിവരങ്ങള്‍ , വായിനോട്ട കഥകള്‍ , മുളകില്ലെങ്കിലും എരിവുള്ള കഥകള്‍ ) ഉടനെ പബ്ലിഷ് ചെയ്യുന്നതായിരിക്കും.. ഭാര്യയുടെ മര്‍ദനം മൂലം ഇക്കിളി കഥകള്‍ ചേര്‍ക്കുന്നതല്ല ....... ജയ് ഹിന്ദ് ..

2.ആമുഖം

കാണാന്‍ സുന്ദരന്‍ ആയതുകൊണ്ട് പ്രേമം ഇഷ്ടം പോലെ ജീവിതത്തില്‍ ഉണ്ടായിരുന്നു, അങ്ങനെ പ്രേമിച്ചു കിട്ടിയ ഒരു സുന്ദരി കുട്ടിയെ കെട്ടി നേരെ ഇങ്ങു അയര്‍ലണ്ടില്‍ എത്തി നമ്മെ വളരെക്കാലം ഭരിച്ച ബ്രിട്ടീഷ് കാരില്‍ നിന്നും സ്വാതന്ത്ര്യം നേടിയ മറ്റൊരു ചെറിയ രാജ്യം. ഓ കെ
അപ്പോള്‍ നമുക്കു തുടങ്ങാം

1.ചെറിയ ചരിത്രം

ഞാന്‍ ഒരു സംഭവം ആണെന്നും പ്രസ്ഥാനം ആണെന്നും ആളുകള്‍ ഗള്‍ഫില്‍ പറഞ്ഞു തുടങ്ങിയതിനു മുമ്പെ ദല്‍ഹിയിലും ഗുജറാത്തിലും ദ്മനിലും ഒക്കെ അലഞ്ഞു തിരിഞ്ഞു പഠനവും ജോലിയും ഒക്കെ നടത്തി ...
അവസാനം കറങ്ങിത്തിരിഞ്ഞ്‌ കുവൈറ്റിലും അബുദാബിയിലും ഒക്കെ ചുറ്റിയ ശേഷം ആണ് ഇവിടെ എത്തിയത് ...കൂടുതല്‍ പറഞ്ഞാല്‍ കുടുംബകലഹം ആവും അപ്പോള്‍ ഇനിയുള്ള കഥയ്ക്കെ പ്രസക്തിയുള്ളൂ ... ഒപ്പം തന്നെ ജീവിക്കാന്‍ കൊതിയും ഉണ്ടെന്നു കൂട്ടിക്കോളൂ