40.പരേതനും കുളത്തുമണ്ണും

പ്രീയപ്പെട്ടവരെ,

വളരെ കുറച്ചുപേര്‍ക്ക്‌ മാത്രം അറിയാവുന്ന ഒരു രഹസ്യമാണ് ഇപ്പോള്‍ പരസ്യമായത്. ഞാന്‍ കുളത്തുമണ്‍ എന്ന ബ്ലോഗ് തുടങ്ങിയിട്ട് അഞ്ചുമാസം ആയി. ബ്ലോഗ് തുടങ്ങി രണ്ടുമാസം കഴിഞ്ഞപ്പോഴാണ് സാമ്പത്തികമാന്ദ്യം എന്ന ഭൂതം ലോകത്തെ ആക്രമിച്ചു തുടങ്ങിയത്.

എന്നാല്‍ ആദ്യം മുതലേ കുളത്തുമണ്‍ ബ്ലോഗിന്‍റെ ട്രാക്ക് നര്‍മ്മവും വല്ലപ്പോഴും ഓരോ സീരിയസ് കഥയും എന്നുള്ളതായതിനാല്‍ സാമൂഹികപ്രശ്നങ്ങളും, ലോകകാര്യങ്ങളും ഈ ബ്ലോഗിലൂടെ എഴുതുവാന്‍ ചില ബുദ്ധിമുട്ട്‌ നേരിട്ടത്‌. അതേപോലെ സമൂഹത്തിലെ ചില വൃത്തികേടുകളെ എഴുതി ഈ ബ്ലോഗിനെ മലീമസമാക്കാനും താല്പര്യമില്ലായിരുന്നു. എന്നാല്‍ സമൂഹജീവി എന്നതുകൊണ്ട് അതിനോടൊക്കെ പുറം തിരിഞ്ഞു നില്‍ക്കാനും കഴിയില്ലാ എന്നുള്ളതുകൊണ്ട് ബ്ലോഗ് ഒരു മാധ്യമം ആക്കിയെന്നു മാത്രം.
അതോടൊപ്പം ചില വികല ചിന്തകളും പിടികൂടി, . ഭൂലോകത്ത് വരുന്ന സാമ്പത്തിക പ്രതിസന്ധി പരലോകത്തെ എങ്ങനെ ബാധിക്കും,എത്ര രൂക്ഷം ആവും,അതിന്‍റെ പ്രതിവിധികള്‍ തുടങ്ങിയവ..

എന്നാല്‍ എന്‍റെ സ്ഥിരം ശൈലിയായ നര്‍മ്മവും കൂടി കലര്‍ത്തി പരേതന്‍ തുടങ്ങിയപ്പോള്‍ വായനക്കാരില്‍ നിന്നും നല്ല പ്രതികരണം ലഭിച്ചു.എന്നാല്‍ ഇതു വലിച്ചു നീട്ടി കൊണ്ടുപോകാതെ നല്ല വായനക്കാര്‍ ഉള്ളപ്പോള്‍ തന്നെ നിര്‍ത്തുന്നു.പരേതനു ലഭിച്ച പിന്തുണയെ ഞാന്‍ ഈ അവസരത്തില്‍ നന്ദിയോടെ ഓര്‍ക്കുന്നു.
പരേതനില്‍ വന്നു വായിച്ചവര്‍ക്കും,കമന്‍റിട്ടവര്‍ക്കും ഇടാതെ പോയവര്‍ക്കും നന്ദി പറഞ്ഞു കൊള്ളട്ടെ..

പരേതന്‍ എന്ന ബ്ലോഗ് പൂട്ടുന്നില്ല.. തുടര്‍ന്ന് എഴുതുന്നില്ല എന്ന് മാത്രം. അവിടെ പ്രസിദ്ധീകരിച്ച മുപ്പതു പോസ്റ്റുകള്‍ വായിക്കുകയും അതിനൊക്കെ കമന്‍റുകള്‍ ഇടുകയും ആവാം.
എല്ലാര്‍ക്കും ഒരിക്കല്‍ കൂടി പരേതന്‍റെയും എന്‍റെയും പേരില്‍ നന്ദി പറഞ്ഞു കൊള്ളട്ടെ..

ഇടയ്ക്ക് ഞാന്‍ സാക്ഷാല്‍ ബെര്‍ലിയ്ക്കും പരേതനില്‍ ഒരു പണി കൊടുത്തു. എന്നാല്‍ ഈ കാര്യം പറഞ്ഞപ്പോള്‍ വളരെ തമാശയായി എടുത്ത്‌ എനിക്ക് പിന്തുണ തന്ന ബെര്‍ളിയെ ഞാന്‍ നന്ദിയോടെ സ്മരിക്കുന്നു.പരേതനില്‍ വന്ന വിശാലമനസ്കന്‍,കാപ്പിലാന്‍,കുറുപ്പിന്‍റെ കണക്കു പുസ്തകം,മാളൂ,എം.എസ്.രാജ്,സ്മിതാ ആദര്‍ശ്,അനില്‍@ബ്ലോഗ്,നട്ടപിരാന്തന്‍,സെനു ഈപ്പന്‍ തോമസ്, അച്ചായന്‍,ചാണക്യന്‍,അങ്കിള്‍,വിനോദ്,തുടങ്ങി ആ നിര നീളുന്നു.എല്ലാര്‍ക്കും നന്ദി പറഞ്ഞു കൊള്ളട്ടെ..

ഇനിയും നിങ്ങള്‍ക്ക് പോസ്റ്റ് മാര്‍ട്ടത്തിനായി പരതനെ വിട്ടുതരുന്നു.പരേതന്‍ നിര്‍ത്തി എന്ന് കരുതി ആ രീതി ഒരിക്കലും കുളത്തുമണ്ണില്‍ കാണില്ല.. എല്ലാര്‍ക്കും ഒരിക്കല്‍ കൂടി നന്ദിപറഞ്ഞു കൊള്ളട്ടെ..

സസ്നേഹം
ദീപക് രാജ്

N.B.:- അതുകൊണ്ട് ബൂലോകത്തുള്ള എല്ലാ മുഖമില്ലാത്ത ആളുകളുടെയും ബ്ലോഗുകള്‍ എന്‍റെ തലയില്‍ കെട്ടിവേയ്ക്കല്ലേ. അതൊന്നും താങ്ങാനുള്ള ത്രാണിയില്ലാത്ത ഒരു പാവം ബ്ലോഗറാണ് ഈ ദീപക് രാജ്